Alle spelar mot alle på fotballcup til helga
Cupen er for spelarar mellom 12 – 17 år, pluss seniorarar, det kjem spelarar frå Vindafjord IL, Vikebygd, Vats og Skjoldar IL.
Til no har dei rett over 80 påmelde, men dei håpar på at det vil bli opp mot 100.
Annonse
På cupen blandar dei jenter og gutar, og spelarar i alle aldrar. Det er fotballstyret som set opp laga.
— Me lagar mest mogleg kjekke og jamne lag. Me kjenner til spelarane, så me pleier å treffa ganske godt, seier Remi Torgersen, leiar i fotballstyret til Skjoldar IL.
Det er kretsdommarane til Skjoldar IL som skal vera dommarar.
I tillegg til fotball, så skal dei ha hoppeslott og litt konkurransar for dei minste barna som ikkje kan vera med å spela enda.
Annonse
— Det er meininga at dette arrangementet skal vera kjekt for heile familien, seier Torgersen.
