Vossabia får nasjonal pris for å vere innovativ med lokale råvarer
Prisen, som er på 250.000 kroner, vart delt ut av landbruks- og matminister Geir Pollestad under den internasjonale landbruksmessa Grüne Woche i Berlin torsdag 16. januar.
– Eg er overvelda, rørt og veldig stolt. Det er fantastiske bedrifter som er finalistar til denne prisen, og eg ser på alle som verdige vinnarar. Det er veldig spanande å få ein slik anerkjenning når ein driv med ukonvensjonell næring i distriktet, seier Renate Lunde, leiaren av Vossabia, i ei pressemelding.
Bedrifta hennar produserer hud- og hårpleieprodukt basert på lokale og økologiske råvarer frå garden, inkludert honning, bivoks og ville urter.
