Ville ikkje vaske vekk dei fine fargane
Fire år gamle Reidun Matre koste seg med maling, og hadde absolutt ingen planar om å vaske hendene når ho var ferdig med å leike på barnefestivalen Englebarn & Bøllefrø.
Over 300 barn og familiar frå distriktet deltok i barnefestivalen Englebarn & Bøllefrø i Etne laurdag. Den baud på alt frå musikk til legobygging og matlaging.
Astrid Eidhammer Hjelmeland er ein av ildsjelane som står bak festivalen og ho er godt nøgd med tilbakemeldingane frå både foreldre og barn.
— Målet er at det skal vera ein god plass å vera, der det ikkje blir for stor kø på aktivitetane, og der barna lærer gjennom leik. Samtidig er det kjekt å sjå samspelet mellom dei små og dei vaksne. Der også dei vaksne tar del i leiken saman med barna og har det kjekt.
