Vil vite meir om biogass

— Dette er i utgangspunktet ei positiv sak, men luktproblematikken har kome opp, starta Modolf Haraldseid (H) debatten med å seia.

Det poenget gjekk att i fleire av innlegga i saka om kva høyringssvar Vindafjord kommune skal sende til Statsforvaltaren i Rogaland, på søknaden frå Biovind AS om å etablere eit biogassanlegg på Nerheim i Ølen. Til slutt enda det med eit langt gruppemøte og eit samrøystes vedtak foreslått av Høgre. Dei heldt på kommunedirektør Yngve Folven Bergesen si innstilling:

Kommunedirektøren vurderer at etablering av eit biogassanlegg vil vere i samsvar med gjeldande reguleringsplan, så framt det ikkje gir vesentlege negative verknader på miljøet. Kommunen vil krevje utarbeiding av konsekvensutgreiing på tiltaket i samband med byggesøknad eller endring av plan, jf. KU-forskrifta vedlegg I pkt. 10, for å sikre at tiltaket sin påverknad på omgivnadene og moglege avbøtande tiltak blir tilstrekkeleg vurdert. Kommunedirektøren har ei klar forventning om at Statsforvaltaren set nødvendige krav for å hindre utslepp, og at desse krava blir følgde opp.»