Vil overbevise med film

— Me ser at det er stort behov for informasjon om ulempene, og kvifor me må tenkje oss om før me byggjer ned natur, seier Sonja Elholm Bjørknes, som er med i ei arbeidsgruppe i Motvind Vindafjord.

Framsyninga blir onsdag 8. april på Skakke. Politikarane i Etne og Vindafjord er spesielt inviterte og får gratis inngang. Det same gjeld elevar i vidaregåande skule.

«Vi som solgte landet» er ein dokumentarfilm som utforskar kvifor folk blir så provoserte av store naturinngrep, sjølv når dei blir grunngjevne med behovet for meir energi og nye ressursar. Filmen veg verdien av urørt natur opp mot verdiane me kan hente ut frå naturen. Bjørknes omtalar filmen som ei god framstilling av problematikken rundt nedbygging av natur.