Klar for comeback i salongen

Det er noko eige med å gå inn døra hos «California Nails» i Olalivegen. Ei roleg stemning, varme fargar, og ei kjensle av å vere litt lenger sør enn vestlandet. I den fargerike salongen heime i kjellaren held Trine Fajardo til, ei sprudlande og imøtekomande drivkraft med røter heilt til California.

— Eg håpar kundane mine veit kor lidenskapeleg eg er når det gjeld jobben min, og kor mykje eg elskar han, seier ho med eit smil.

Trine starta opp salongen i Ølen i september 2020, etter at ho tidlegare hadde drive ein salong med same namn i Stavanger. Men historia hennar startar langt unna.