Rune Ramsvik er dagleg leiar i Sparebankstiftinga Etne. ARKIVFOTO
Skakke-saka
Vil garantere for ytterlegare 10 millionar til Skakke
Sparebankstiftinga Etne vil bidra med ytterlegare 10 millionar kroner, til oppretting av eit bufferfond» for drifta av kultur- og idrettshuset Skakke. Dette i tillegg til ei tidlegare føreslått gåve på 30 millionar kroner som skal betale ned gjeld i driftsselskapet.
Dette går fram av eit brev dagleg leiar Rune Ramsvik i Sparebankstiftinga Etne på vegner av sitt styre sende kommunedirektør Filippo Ballarin i Etne kommune måndag kveld, med kopi til pressa.
Brevet frå Ramsvik er svar på spørsmål som kommunedirektøren har stilt til stiftinga, i tråd med siste vedtak i kommunestyret om saka. Vedtaket blei utsett i påvente av avklaringar frå Finanstilsynet, i tillegg til avklaring rundt praktiske konsekvensar av at ny eigar av Skakke blir Eigedomsstiftinga Etne.
30 + 10 millionar
