Else Minde, Ragnhild Blikra Rasmussen, Gro Inger Hvidsten og Torunn Opheim i Ølen Sanitetslag i full sving med å klippa bjørkegreiner til fastelavnris.
Irene Mæland Haraldsen
Viktig støtte til kvinnehelse
I år er det 80 år sidan sanitetskvinnene i Norges Kvinners
Sanitetsforening batt sine første fastelavnsris og selde dei til inntekt for
gode formål. Ved sanitetslaga i Ølen, Ølensvåg, Sandeid og Bjoa blir
tradisjonen halden i hevd og i desse dagar er sanitetskvinnene i full sving med
å førebu årets sal av fastelavnris. I Ølen Sanitetslag føregår binding og
dekorering av fastelavnsrisa i laget sine lokale i Ølen sentrum, og i løpet av
eit par dagar er planen å binda 150 ris som skal seljast ut før fastelavn som i
år er tredje søndag i februar.
— Det er viktig å markera
fastelavn og vera med på forsking for kvinnehelse, seier leiar i Ølen
Sanitetslag, Anne Tone Salte Andersen.
Tradisjon
