Vått i Vikedal

Juli månad har i følgje Meteorologisk institutt vore ein svært våt månad i store deler av landet. Statistikk viser at det fall 25 prosent meir nedbør enn normalt her til lands. Men medan det var svært vått i store deler av Sør-Noreg, var det svært tørt i nord. Dei tre våtaste målestasjonane låg alle i Rogaland.

Vikedal

I Liarvatn i Strand kommune blei det målt 503,5 mm nedbør i juli. Det er 193 prosent meir enn normalt. I Sviland i Sandnes kommune viste måleresultatet 440,3 mm nedbør, noko som er 208 prosent meir enn normalt. Også i Vindafjord bøtta det ned i feriemånaden. Her blei det målt 415,5 mm nedbør ved Hundseid i Vikedal. Det er 112 prosent meir enn normalt. Dei tørraste målestasjonane var Bø i Vesterålen med 8,3 mm nedbør, Bardufoss med 9,1 mm og Dividalen med 10,3 mm.