Tellekorpset i gang med å telja kor mange stemmeberettiga som var møtt opp til det ekstraordinære årsmøtet i Etne idrettslag. F.v: Bjarte Dagestad og Monica Grindheim. Bak: Erling Bjarte Rullestad.
Foto: Grethe Hopland Ravn
Skakke-saka
Utsette avgjerda om idrettshallen – ventar på svar frå Skatteetaten
På bordet låg eit tilbod om 30 millionar kroner frå Sparebankstiftinga Etne. Det andre alternativet var å takka nei til stiftinga og støtta opp om at Etne kommune kjøper hallen. Etter over to timar med debatt vedtok årsmøtet å utsetja heile avgjerda.
Godt frammøte og spent stemning
Det var styreleiar Erling Bjarte Rullestad som leidde møtet, der 40 stemmeføre medlemmar, og fleire andre tilhøyrarar møtte fram. Styret hadde på førehand signalisert at saka var krevjande, og at mykje av dokumentasjonen hadde kome seint på bordet på grunn av teiepliktserklæringar frå Sparebankstiftinga.
