Vindafjord-budsjettet
Ungt opprør på Bjoa
Ein oversikt Grannar har fått tilgang til viser 28 vaksne mellom 21 og 37 år som anten nyleg har slått seg ned i bygda, eller vurderer det. Rannveig Hetland (30) og Sigbjørn Sævereid (29) bur i dag i Etne, men held på å etablera draumestaden sin på Utbjoa.
Det er berre seks av dei tjueåtte personane som er over tretti år. Ranveig Hetland (30) og Sigbjørn Sævereid (29) satsar på ein husmannsplass knytt til heimplassen hennar på Svalland, eller nærare bestemt Naustnes på Utbjoa. På tomta er det i tillegg eit sjøhus med eit husvære i. Her var det tidlegare ein tønnefabrikk, og dei to har mange planar for det store arealet dei har til rådvelde på staden dei har tenkt å slå seg ned.
Ho har ei mastergrad innan landskapsarkitektur, og han jobbar som elektroingeniør. Dei er altså godt kompetente og interesserte i å gjera dette til heimstaden for familien, som nok seinare blir større enn dagens tre. Dei jobbar i LY areal & landskap AS i Haugesund og Westcon Power & Automation AS i Ølensvåg.
Skyar i horisonten
