Anna Reiso og Lone Sørheim framførte låten One day under UKM i Etne i 2020. I år blir mønstringa heildigital for både Etne og Vindafjord.
Arkivfoto: Grethe Hopland Ravn
UKM blir digital i år
Koronapandemien påverkar det meste, og årets UKM-mønstring er ikkje noko unntak. Over heile landet blir dermed UKM-mønstringa digital, og for Etne og Vindafjord sin del blir årets mønstring slått i saman til eit felles digitalt streamingarrangement.
— Det blir dessverre inga tradisjonell førestilling i år, men me gjer opptak og set saman ein video som blir streama over nettet. Opptakshelga er 12.-14. mars, og datoen for sjølve streaminga kjem me tilbake til, seier kontaktperson for UKM i Vindafjord og Etne, Einar Bakke.
Han legg til at bilete og videoar kan sendast inn, men for dei som likar å teikna, male eller andre ting, kan dei melde seg på og levera fysisk på Ølen Kulturhus laurdag 13. mars. Då blir det tatt bilete av, og blir lagt inn i den digitale førestillinga.
