Varaordførar Andreas Grumheden (Ap) la fram nytt forslag i tannhelsesaka, og fekk full støtte frå formannskapet for det. Kenneth Karlsen (t.h.) frå Frp foreslo at kommunen burde opna for samarbeid med private aktørar dersom fylkeskommunen avviklar tannhelsetilbodet lokalt. Dette forslaget fekk ikkje fleirtal.
Grethe Hopland Ravn
Tydeleg signal om tannhelsetenesta
Ingen støtta kommunedirektøren sitt framlegg då Etne formannskap tysdag behandla høyringa om framtidig tannhelseteneste. Eit samla formannskap gjekk for eit omforeint forslag.
Som Grannar skreiv i sist veke, la kommunedirektør
Åsmund Andersen Sekse fram eit forslag til vedtak i høyringa om framtidig
tannhelseteneste i Vestland, men då saka kom til røysting, stod forslaget heilt
utan støtte. Forslaget fall med null røyster og blei dermed lagt bort allereie
ved starten av behandlinga.
Omforeint forslag
I staden samla formannskapet seg bak eit nytt
forslag, utarbeida av Andreas Grumheden frå Arbeidarpartiet. Dette forslaget
fekk fullt gjennomslag og blei samrøystes vedtatt. Formannskapet gir no
kommunedirektøren mynde til å skriva eit samla høyringssvar basert på
saksframlegget, men med klare tillegg.
