Tysdag vil Daniel Sævareid (t.v.), David Jonas, Johanne Løhaugen, Johanna G. Sævareid og resten av konfirmantane i Etne samla inn pengar til Kirkens Nødhjelp.
Foto: Irene Mæland Haraldsen
Trør til for å hjelpa andre
Tradisjonen tru vil årets konfirmantar i Etne og Vindafjord delta i Kirkens Nødhjelp sin årlege fasteaksjon. Måndag og tysdag vil dei banka på dørene til folk for å samla inn pengar som kan koma folk i naud til gode.
— Alle konfirmantar skal gå med bøsser. Pengane skal gå til reint vatn og til Kirkens Nødhjelp sitt arbeid, seier Etne-konfirmantane Daniel Sævareid, David Jonas, Johanne Løhaugen og Johanna G. Sævareid og synes det er bra at konfirmantane får vera med å bidra til den årlege Fasteaksjonen i regi av Kirkens Nødhjelp.
— Dei gjer eit nyttig arbeid, seier dei.
Saman med resten av konfirmantgjengen i Etne, som i år tel 29 jenter og gutar, skal dei fire 14-åringane banka på dørene til innbyggjarane heimbygda førstkomande tysdag.
