Tre hjortepåkøyrsler

Omlag kl. 10.15 small det på E 134 på Mørkeli i Etne. Ein hjort måtte bøta med livet etter møte med ein varebil.
Om kvelden same dag blei ein hjort først påkøyrd i Vikedal sentrum, retning Sandeid. Bilføraren melde i frå om påkøyrsla kl. 21.50. Medan bilen fekk skadar i fronten hadde hjorten sprunge vidare, tilsynelatande uskadd.
Halvannan time seinare kom same melding, denne gong frå E 134 på Fikse på Etne-sida. Bilføraren melde i frå om at hjorten hadde sprunge vidare, men meiner likevel at dyret må ha blitt skada i treffet. Denne bilen fekk også skadar i fronten og på panseret.
Viltnemnda i Vindafjord og Etne blei varsla etter ulukkene.