Daniel Holten tok gull under NM i rallycross.
Arkivfoto: Rune Johannesen
Tok sitt tredje NM-gull
Daniel Holten (27) frå Vikedal sikra seg gull under norgesmeisterskapet i rallycross på Momarken laurdag.
– Nå er eg veldig glad. Eg håpte på å vinna så dette er ein lettelse, jublar Daniel Holten etter at sjette og siste løp var over laurdag.
Før den siste og avgjerande runden låg han på andreplass i sin klasse supernasjonal inntil 2000 ccm, og under siste løpet på Momarken bilbane køyrde han seg også inn til ein andreplass. Samanlagt blei det gull.
– Det kunne ikkje gått så mykje betre i dag. Eg låg som nummer tre i starten av finaleløpet og kjørte med inn til nummer to, seier han nøgd.
