Einar Langelandsvik har lagt ned mykje arbeid i å vaska, skrubba og måla den gamle amtsteinen frå 1876. No kan steinen leva i hundre år til.
Foto: Grethe Hopland Ravn
Tok ansvar for kulturminne
Einar Langelangsvik (67) synest det er viktig å ta godt vare på kulturminne, og på eige initiativ har skjoldabuen vaska, pussa og måla den gamle amt-steinen frå 1876 som viste det gamle grenseskiljet.
For ei tid tilbake sette Einar Langelangsvik frå Haraldseidvågen i gang med å vaska og pussa den gamle grensesteinen som har stått på same plass i 145 år. På steinen står det skrive Amts dele 1876» og i si tid markerte steinen grensa mellom søndre Bergenhus amt, og Stavanger.
— Dette er eit kulturminne og det må me ta vare på. Vegen har sikkert gått like ved steinen før, men etter at vegen blei fornya hamna den lenger ut i grøfta og blei etterkvart prega av vind og vêr, seier Langelandsvik som på eige initiativ tok ansvar for å rusta opp steinen igjen.
I tillegg til å vaska og skrubba steinen, har han friska opp igjen den raude målinga inni bokstavane.
