— Dette var stor stas. Eg er veldig nøgd, seier motorsykkelkunstnar Gert Eilerås og gleder seg over førsteplass i kategorien beste backstreet chopper som han sikra seg under Oslo Motor Show sist helg.
Sigeren er den tredje i rekkja over førsteplassar den iderike etnebuen har sikra seg under det prestisjetunge arrangementet, og han er allereie i gang med å byggja ein ny sykkel i håp om å bli invitert til neste års utstilling.
— Eg har to førsteplassar får tidlegare, ein for beste backstreet chopper og ein for beste lakk. Eg reknar med å få vera med til neste år også, men då blir det med ein heilt annleis sykkel. Den blir rein, fin og enkel, seier han.
