I Etne var det arrangert vardebrenning på Leknesnepa, Hodlestadnuten, Veten og Varleite. Stian Grindheim frå Etne pakka sekken full med ved denne kvelden og sette kursen mot Hodlestadnuten for å markera si motstand mot utbygging i fjellheimen.
— Eg er opptatt av å kjempa for den levande naturen, og for at neste generasjonar skal få oppleva fjellet slik det er i dag, seier Grindheim som fekk følgje av to andre miljøforkjemparar på turen.
