Telenor åtvarar mot ei ny form for svindel.
Foto: Emilie Holtet / NTB / NPK
Telenor varslar om ny svindelmetode
Telenor åtvarar mot svindlarar som lurer til seg BankID-innlogging og kjøper mobilabonnement i namnet på offera. Telefonnummera blir så brukte til SMS-svindel.
– Dei fleste klarer vi å stoppe, men vi har dessverre over 80 tilfelle der det har gått så langt at svindlarane har oppretta nye abonnement og telefonnummer i namnet til offera, seier Thorbjørn Busch, leiar for tryggingsavdelinga i Telenor Noreg.
Svindelen vart oppdaga på seinsommaren.
Offera blir lurte til å trykkje på ei lenke i ein SMS som fører til ei falsk nettside som etterliknar BankID. BankID-innlogginga blir brukt til å kjøpe mobilabonnement i namnet til offeret, som så blir brukt i SMS-svindel.
