Tettare på
Tar vare på farne dagar
I fire tiår har historieinteresserte damer og menn i Etne Sogelag jobba for å ta vare på minne frå farne dagar. Det er ikkje få oppdrag dei har tatt på seg sidan laget blei skipa i 1983.
Onsdag 28.september 1983 samla 23 personar seg til møte på Enge skule i Etne. Målet var å skipa eit sogelag i Etne kommune og utarbeida vedtekter som skulle gjelda for laget. I protokollen frå skipingsmøtet står det å lesa at Knut Molnes opna møtet med å ønskja alle velkomen. Eit framlegg til vedtekter utarbeidd av mållaget låg alt klart og blei gjennomgått punkt for punkt. Kva laget skulle heita var også ein av postane på programmet og med 10 mot 7 røyster fall valet på Etne Sogelag.
Magnus Saltnes var saman med Ingolf Vevatne og Borghild Sævareid Prestegård sentrale personar under opprettinga av laget, og då styreleiar skulle veljast var det Magnus Saltnes som hanka i land sigeren. Med seg i styret fekk han til saman 11 menn og damer. Medlemspengane blei sett til 25 kroner.
Medlemmer
