Siri Klokkerstuen takkar for seg som lokalpolitikar ved neste kommuneval. Då har ho lagt bak seg 24 år i kommunestyret, på rad. No gler ho seg til ei fritid som ikkje er staka ut frå ein møteplan.
Foto: Grethe Hopland Ravn
Tar farvel med lokalpolitikken
Over to tiår har gått sidan Siri Klokkerstuen sa ja til å stilla på lista til Etne Arbeidarparti ved kommunevalet i 1999. Ho var då rykande fersk Ap-medlem i ein alder av 40 år. Frå 2011 til 2015 sat ho også på fylkestinget. Til hausten seier 63-åringen seg ferdig som politikar. Det er ei tid for alt.
— Eg er på ingen måte lei politikk, men det er på tide å steppa til side for å sleppa andre fram. Eg gler meg til meir tid med familien min, spesielt barnebarna, og meir tid til hagearbeid. Det skal bli godt å ha ei fritid som ikkje er staka ut frå ein møtekalender, seier ho.
Travelt, men kjekt
