Stort engasjement rundt utbyggingsplanar

Dette opplyser einingsleiar Thomas Vestbø for areal og forvaltning i Vindafjord. Tala er basert på ei kjapp oppteljing i saksbehandlingssystemet til kommunen onsdag. Vestbø poengterer at fleire offentlege etatar har bedt om utsett frist, så me manglar framleis nokre høyringssvar på begge planane.

— Me landar nok på rundt 140 på kommuneplanen sin arealdel og 75 på Dommersnes-planen, fortel Vestbø.

Han tek atterhald om mindre endringar. Vidare opplyser einingsleiaren at dei ikkje har begynt å arbeide med innhaldet i høyringssvara endå, og at me truleg ikkje kjem til å gå i gang med det for alvor før alle høyringssvara er mottekne.