Stormarkering i løa

— Det blir veldig kjekt. Eg er bekymra for at det er litt liten plass inne, så me får håpe det er fint vêr, sidan me har god plass ute, seier Astrid Trå Sørheim.

Laurdag 2. august har ho og ektemannen Ståle Sørheim gitt Motvind høve til å ha ei markering med fleire føredrag i løa si i Etne, same helga som Etnemarknaden blir arrangert. Astrid opplyser at dei har plass til 50 personar inne. Løa har òg eit større uteområde.

Blant dei som kjem for å halde innlegg, er stortingspolitikarane Mímir Kristjánsson (R), Sofie Marhaug (R) og Ingrid Fiskaa (SV), samt Motvind-profilen Eivind Salen. Arrangementet er gratis.