Illustrasjonsfoto: Jan Kåre Ness / NTB / NPK
Stor tru på norsk havvind
NPK: Norske havvindleverandørar har store moglegheiter i ein kraftig veksande marknad for botnfaste og flytande havvindkraftverk, ifølgje ein fersk rapport frå Norwegian Energy Partners.
— Det er ein eksplosjon i interessa for havvind globalt, sa Jon Dugstad, direktør for sol og vind i Norwegian Energy Partners på eit arrangement under Arendalsveka omtalt av E24.
Det er kunngjort nye planar for 250 gigawatt havvind globalt dei siste 12 månadene, ifølgje organisasjonen Norwegian Energy Partners.
Dugstad trur at norske leverandørar innan havvind over tid er i stand til å auke marknadsdelen sin i denne marknaden til same del som innan olje og gass, rundt ti prosent.
— Vi trur norske leverandørar kan auke omsetninga av havvindløysingar til 80–100 milliardar kroner i 2030, frå rundt 11 milliardar i året i 2019, fortel Dugstad til E24.
Norsk havvindindustri kan selje produkt og tenester for meir enn 500 milliardar kroner i perioden fram mot 2030, trur Dugstad.
