Møterommet på Imsland bygdahus var fullsett under pensjonisttreffet.
Irene Mæland Haraldsen
Stor interesse for bygda si framtid
Om lag halvparten av alle pensjonistar i Imsland deltok under pensjonisttreffet på bygdahuset då etterbruk av skulen og eventuell bygging av eldrebustader stod på programmet.
Kor skal folk i Imsland bu på sine gamle
dagar og kva blir lagnaden til det tidlegare skulehuset?
Dette er spørsmål som opptek innbyggjarane
i Imsland og under pensjonisttreffet var det nettopp framtida til den vesle
grenda som stod på programmet. Over 40 personar i godt vaksen alder stilte opp
på treffet på grandahuset, noko som er om lag halvparten av alle pensjonistane
i bygda.
Pensjonistforbundet Vindafjord var også invitert
til møtet og nestleiar Sverre Andersen nytta høvet både til å fortelja om
forbundet og informera om behovet for tilrettelagte bustader i Vindafjord
kommune i åra som kjem.
