Ante Salte Andersen er fotografen bak dette biletet. I neste veke stiller han ut nokre av fotografia sine på Haukelandstunet på Romsa-øyane.
Foto: Ante Salte Andersen
Stiller ut fotografi på Romsa-øyane
Ante Andersen gjer ein ny vri på vertskapsveka på Haukelandstunet.
Laurdag 27. juli tek Ante Andersen med seg familien til Romsa-øyane for å vera vertskap på Haukelandstunet. Denne gongen har han planar om å laga til både marknad og fotoutstilling medan han er i området.
— Det er nokre år sidan me var vertskap sist. Då inviterte me gjestene som kom innom på vafflar og kaffi, og ei lita omvisning på Haukelandstunet. Det er jo ein del historie å formidla, fortel Ante Andersen.
Han er oppvaksen i Ølen, men bur no i Haugesund.
