Svømmetrenerane Emilie Haugland, Linda Bjelland og Ingvild Steinnes Luteberget.
Privat
Starta svømmegruppe i Vats
Måndag ettermiddag starta svømmegruppa i SK-Vats svømmetrening i Vindafjordhallen. Nå blir det trening både for barn og vaksne.
Etter fleire års pause har
svømmegruppa i SK-Vats igjen sett svømmetrening på agendaen. Treninga er retta
mot barn heilt frå barnehagealder til og med 10. klasse. I tillegg vil det bli
etablert ei vaksengruppe.
— Målet er vasstilvenning, å
læra deltakarane å bli trygg i vatn, og å utvikla svømmeferdigheitene. Me vil
også gå gjennom alle svømmedisiplinane, seier trenar Emilie Haugland.
Saman med tre andre instruktørar skal ho
ha ansvar for svømmetreninga. Alle trenarane har god erfaring med svømming og har
gjennomført startkurs for instruktørar. Deltakarane på kurset vil bli delt opp
i grupper basert på alder, der dei yngste nyttar seg av det minste bassenget
medan dei eldre får nytta det store bassenget.
