Sjukefråværet har auka mykje sidan pandemien og var i 2024 på det høgaste nivået på 15 år.
Foto: Emilie Holtet / NTB / NPK
Stadig vekst i mottakarar av arbeidsavklaringspengar
163.614 personar fekk arbeidsavklaringspengar (AAP) ved utgangen av første kvartal. Det er 11.017 fleire personar enn eitt år før – ein vekst på 7,2 prosent.
Det inneber at 4,6 prosent av den vaksne befolkninga fekk AAP i første kvartal i år, opplyser Nav i ei pressemelding. Det er ein auke på 0,3 prosentpoeng frå same periode året før.
– Talet som tar imot AAP, held fram med å auke, frå eit allereie høgt nivå. Det er nok som venta, ettersom vi har hatt eit høgt sjukdomstrykk i befolkninga dei siste åra, seier arbeids- og velferdsdirektør Hans Christian Holte.
