Kaldt og vakkert ved Vatsvatnet også denne veka.
FOTO: TORSTEIN TYSVÆR NYMOEN
Sprengkulde i Grannar-distriktet
Ei ny kuldebølgje har denne veka treft Vindafjord og Etne. I dag, torsdag 28. januar blei det notert minus 17 grader ved målestasjonen i Vats, viser tal frå Norsk Klimaservicesenter.
Og høgtrykket med uvanleg låge temperaturar, så og seia ingen nedbør og rikeleg med sol, vil halda fram minst ei veke, ifølgje yr.no.
Som alle har merka har gradestokken krope godt nedover på talskiva dei siste dagane. Dei offisielle registreringar viser at både målestasjonen i Etne og Vats alt måndag hadde ned mot minus ti grader. Og kaldast har det vore ved stasjonen i Nedre Vats der det var under ti kuldegrader tysdag og under 15 grader onsdag.
Og torsdag er det målt minus 17 grader i Vindafjord-bygda, medan det berre» var 13 kuldegrader i Etne.
