Kortbruken gjekk tilbake i juni, ifølgje tal frå DNB. Men ferie tek mange seg råd til likevel.
Foto: Fredrik Hagen / NTB
Sommar i sparemodus – kortbruken fall 5 prosent i juni
Starten på sommaren går på sparebluss, men folk prioriterer likevel å bruke pengar på reiser, viser tal frå DNB.
Ferske tal frå DNB viser ein nedgang på 5 prosent i kortbruken i juni samanlikna med fjoråret, justert for prisvekst. Så langt i år har kortbruken falle med totalt 3 prosent.
Det er framleis vekst for nokre kategoriar i juni. Reiseliv auka med 9 prosent samanlikna med juni i fjor, og det er dei med låg inntekt som trekkjer opp snittet.
Direktør for datatransformasjon i DNB, Ine Oftedahl, seier dei over lengre tid har sett at mange omprioriterer forbruket sitt og tilpassar økonomien sin til auka prisar og eit høgare rentenivå.
