Solrik marknadsstart

Startdagen pleier å vere den som drar minst folk under Etnemarknaden, som ventar 30.000 besøkande eller meir over fire dagar frå torsdag til søndag. Nær sagt perfekt marknadsvêr torsdag gjorde imidlertid sitt for at ein solid folkemengde fann vegen til matbodene, tivoliet og alt anna som Etnemarknaden har å by på. Seinare på kvelden er det åpningsshow med blant andre Etne musikklag, Sandra Lyng Haugen og rosabloggar Sophie Elise.

— Me har vore og køyrt ein del karusellar, nå skal ta ein tur rundt og kikke, fortel venninnegjengen Anita (12), Victoria (13), Sina Marie (12) og Emilie (12) frå Skånevik, som gjerne skulle ønskje seg hakket høgare adrenalinfaktor frå karuselltilbodet. Det såg likefullt ut som at spesielt tivoliet samla særs gode folkemengder torsdag ettermiddag.