Skakkesenteret har framleis store økonomiske utfordringer. Nå ønskjer kommunedirektøren å få på plass ein ny og levedyktig økonomisk modell for Etne si storstive,Arkivfoto
Slik vil kommunedirektøren redde Skakke
Økonomien til storstova Skakkesenteret er så svak at konkurs-spøkelset framleis heng over verksemda som husar mellom anna kino og idrettshall. No rår kommunedirektøren i Etne til at kommunen overtar bygningane. — Kommunen ønskjer ikkje å miste dugnadsånda og innsatsen frå dei frivillige, understreker Filippo Ballarin.
— Den økonomiske modellen til Skakke SA har etter mitt syn vore for svak heilt frå starten, seier kommunedirektør Filippo Ballarin til Grannar.
Det er ein kjent sak at Skakke-økonomien, først og fremst har handla om selskapet si evne til å betene eit lån som i dag er på 30,7 millionar kroner. Heilt sidan opninga i 2012 har det vore krevjande å få økonomien til å gå opp, og har vore den stadige hovudverken for alle som opp gjennom åra har teke på seg styreverv i selskapet.
Situasjonen har forverra seg endå meir sidan 2020. Kommunestyret har innvilga søknad om avdragsutsetting flere gonger sidan då.
