Skyt færre dyr

Tal frå Hjorteviltregisteret viser at det i jaktåret 2025 blei felt 940 hjort i Vindafjord. Talet på tildelte dyr var 1198. Det gir ein fellingsprosent på rundt 78 prosent, noko som er den lågaste fellingsprosenten dei siste fem åra.

I tre år frå 2022 blei det i tillegg til ordinære løyve innført friskyting på hjortekalv i kommunen. Det gav utslag på fellingsprosenten som enda over 90 prosent både i 2022 og 2023. Men dersom ein ser på fellingstal frå 2021 viser det seg at fjoråret også ligg lågare enn siste år før friskytinga blei sett i verk. I 2021 blei det felt 1052 dyr mot 1176 tildelte dyr.

— Me hadde tre år med kalveskyting og me ser ein nedgang frå før me hadde kalveskyting, seier leiar i viltnemnda i Vindafjord, Harald Olav Stuhaug.