Skakke blir truleg redda av bankstifting

I ei pressemelding signert Asbjørn Moe, leiar for generalforsamlinga, Frode S. Robberstad, styreleiar, Sparebankstiftinga Etne og Rune Ramsvik, dagleg leiar, Sparebankstiftinga Etne kjem det fram at Skakke i Etne ser ut til å vera redda.

Vil bidra til varig løysing

I lys av økonomiske utfordringar hos Skakke SA og eit påtrengjande behov for ein berekraftig driftsmodell for idrett, kultur og frivilligheit, har Sparebankstiftinga Etne bestemt seg for å ta aktive steg for å støtte lokalsamfunnet i Etne. Stiftinga ønskjer å sikra ei varig og positiv løysing for Skakkesenteret, eit viktig samlingspunkt for innbyggjarane i kommunen.