Sjokoladefjes gjekk til topps
Blinkskotet av Marie (2) frå Vikebygd er blant bidraga som konkurrerer om å vere årets sommarbilde.
I Grannar er det ein tradisjon å kåre årets sommarbilete blant lesarane. Konkurransen er no godt i gong, og i biletserien øvst i saka kan du bla deg gjennom bidraga som er sendt inn den siste veka. Hugs å sende inn nye bilde kvar veke, til foto@grannar.no
Grannar plukkar ut tre bilete kvar veke, og alle dei tre blir premierte med eit flaxlodd. Førsteplass går i tillegg vidare til finalen. Konkurransen blir avgjort gjennom avrøysting, og vinnaren får eit gåvekort på 2.000 kroner i ein lokal butikk.
På førsteplass denne veka kjem biletet av Marie (snart 2) frå Vikebygd, som kosar seg med sjokoladepålegg på skiva. Her har fotograf Camilla Bjørnevik vore framme med kamera i ein herleg augneblink.
