Set fylkesgrense på vent

Sveio kommune vil greia ut om Vestland eller Rogaland er det mest tenlege fylke å tilhøyra i framtida, og har sendt ut ein invitasjon til Etne kommune om å delta i prosessen. Sveio ynskjer gjennom utgreiinga å få eit fagleg og sakleg grunnlag for eit eventuelt vidare arbeid med tanke på overgang til Rogaland, og førebur ein søknad til Kommunal-og moderniseringsdepartementet om økonomisk støtte til prosjektet. I invitasjonen til Etne kommune blir det peika på ein del fellestrekk mellom dei to kommunane, mellom anna samarbeid på Haugalandet, søknad til vidaregåande skular og pendling av arbeidstakarar til kommunar i Nord-Rogaland.

Saka vart lagt fram under formannskapsmøtet i Etne kommune utan tilråding frå kommunedirektøren, men med tilråding frå Kari Aakra (Sp) som ville setja saka på vent og Lars Olav Bergsvåg (H) som takka ja til invitasjonen.

Positiv