Set branntryggleik på agendaen

Tryggleikstreffet er gratis og blir arrangert på Bjoa Helsehus og Helsehuset i Ølen, skriv Sanitetskvinnene i Vindafjord i ei pressemelding.

Så langt i år har 24 personar mista livet i brann. Fire av fem som omkjem i brann er personar over 70 år. Sidan eldre er ei utsett gruppe, arrangerer Sanitetskvinnene over heile landet nå tryggleikstreff. Kva kan ein gjere for å forebygge brann, og kva gjer ein dersom det skulle begynne å brenne.

Like viktig som fagleg påfyll, er den sosiale møteplassen. På eit Tryggleikstreff er det servering, slik at det blir lagt til rette for å slå av en god prat over ein kaffikopp.