Dagleg leiar Andreas Reinholdt i Admmit AS i Sandeid synest det er ein hyggeleg ting at selskapet innfrir krav til å vere gaselle med vellukka vekst. Her saman med kollega Frode Sandvik Nilsen.
Foto: Jon Edvardsen
Selskap som tar raske sprang
Selskapet vart etablert i 2014, og har hatt ein vekst i omsetninga på nesten 265 prosent på fire år. Det er nær tredobling, medan eitt at kriteria for gasellar er å doble omsetninga over fire år.
Det er avisa Dagens Næringsliv som har den årlege kåringa av dei mest vellukka og raskast veksande aksjeselskapa, og som baserer seg på tal for dei siste åra.
Admmit når opp som gaselle saman med ti andre aksjeselskap i Etne og Vindafjord i kåringa for 2019. På landsbasis er det 3.484 selskap som tilfredsstiller krava.
