Det er denne tomta som nå skal seljast i Skånevik.
Foto: Frå salsoppgåva
Sel næringstomt til 900.000 kroner under takst
Etne kommune sel næringstomta i Barnehagevegen i Skånevik for 500.000 kroner til Robo AS. Tomta hadde ei prisantyding på 1,4 millionar kroner, men blei ståande utan interesse i eitt år før det kom inn eitt bod.
Tomta har vore marknadsført i om lag eitt år.
Etter at kommunen først la eigedomen ut for 1,4 millionar kroner, blei
prisantydinga redusert til 900.000 kroner. Det kom ikkje fleire bod enn
tilbodet frå Robo AS på 500.000 kroner. Kommunedirektør Åsmund Andersen Sekse
opplyste i si sakshandsaming til Etne formannskap at etterspurnaden er svært
låg og at prisnivået må reknast som marknadsmessig.
Eigedomsmeklar Vidar Opheim stadfesta at interessa
for tomta var minimal, og at han berre fekk ein bodgivar etter prisreduksjon.
Han vurderer bodet på 500.000 kroner som realistisk marknadsverdi, mellom anna
på grunn av rentenivå, lokalisering og kostnadsnivå ved bygging.
Bustader eller motell
