Samlar alt på ein plass
Komande laurdag går den årvisse Sjoardagen i Ølen, og for første gong skal heile arrangementet samlast på ei scene. I år blir det også eit gjensyn med Roatoppen opp, som uteblei i fjor
Det pleier å myldra godt i Ølen sentrum når Sjoardagen går av stabelen, og i dette formatet blir dagen arrangert for femte gong.
— Me startar det heile på tradisjonelt vis med sjoarløpet, som er eit populært barneløp. Det som er viktig å merka seg i år, er at alle må koma litt før for å registrera seg. I år blir det nemleg ikkje berre ein premie til alle som stiller til start, men også på startnummeret. Og me har mykje flotte premiar, seier Magne Christiansen som saman med Asbjørn Moe representerer sentrumsbedriftene i komiteen.
Med seg har dei Jarle Ljosnes frå Ølen kulturhus og Roatoppen opp, og Egil Viker Jørgensen frå Etne og Vindafjord motorklubb.
