Gustav Løge Fosse (t.v.) snakkar med ein av evangelistane etter ein gudsteneste Yeada Chini i Tanzania. Alle i reisegruppa fekk kvar sitt datogakast som han har rundt halsen.
PRIVAT
Reiseopplevingar utvidar perspektivet
— I Noreg tek me av og til ting så sjølvsagt at me gløymer
kor privilegerte me er. Eg tek med meg erfaringa at me må vere takksame for
alle godane me har, seier Gustav Løge Fosse.
Totalt har han hatt tre månader studiepermisjon frå
stillinga som rektor på Lundeneset VGS. Samstundes fekk han permisjon frå dei
politiske verva sine, som inkluderer jobben som varaordførar i Vindafjord.
Seks av vekene var han i Afrika. Rektoren deltok på eit
opplegg i Kenya som heiter «Tid Vekst (50+)», arrangert av Norsk Luthersk
Misjonssamband (NLM). Det er ein minibibelskule med ei vekes misjonstur til
Tanzania som del av opplegget. Han hadde med seg kona på turen.
