Ras på vegen på Bjoa

Dette er ikkje første gongen det raser ut jord og stein på denne staden, fortel lokalbebuar Olaf Johan Kristiansen.

— Det har skjedd før, men aldri har det kome laus så stor stein som nå, seier Kristiansen.

Det er 50-sone og smal veg på den aktuelle staden. Steinen var ikkje stor nok til at personbilar ikkje kunne sno seg om han, og kome seg vidare på vegen, men for større bilar var det vanskelegare. Før vegvesenet fekk gjort noko med saka tok ein tømmarbil, på veg heim til Vikebygd på ettermiddagen, affære og brukte gripelastaren til få steinen unna vegen, får Grannar vite. Ein traktor var seinare på plass og sveipte unna mindre stein og lausmassar.