Ramsvik bekymra: — Kan risikera konkurs

Måndag 19. mai vedtok Etne kommunestyre å gå inn for alternativ 3» i Skakke-saka. Kommunen overtar dermed lånet til Skakke SA på 34,5 millionar kroner, og trer samtidig ut som eigar i selskapet. Som motyting får kommunen hand om idrettshallen og skal inngå nye avtalar om bruk og eigarskap.

Rune Ramsvik i Sparebankstiftinga Etne reagerer på utviklinga.

— Me har gitt store gåver til Skakke og om dei skulle få ei svekka drift som følgje av at idrettshallen blir selt, kan me risikera at resten av bygget går konkurs og endar opp med eit anna føremål enn det som var tenkt, seier han.