Vatsbonde Jakob Eskeland er glad for at staten vil kompensere meir av bøndene sine straumutgifter. Han fryktar konsekvensane av at bøndene sine kostnader går til himmels på fleire frontar, både for kunstgjødsel og kraftfôr. Han er styremedlem i Rogaland Bondelag.
Foto: Jon Edvardsen
Pris-galopp kan ramme bøndene hardt
Ein mjølkebonde med 28 kyr kan få ein nedgang i inntekta på 53.000 kroner på grunn av høge straumprisar og ikkje minst gjødsel og kraftfôr som går til himmels i pris. Det viser ein kalkyle frå Tveit Regnskap.
— Eg har ikkje sett ein så stor auke i kostnader tidlegare, ikkje minst fordi fleire ting drar i den same retninga. Det slår sterkt ut på botnlinja. Tenk ei inntekt på 400.000 kroner, og så ser du at den kan gå ned med 50-60.000 kroner, seier Andreas Lundegård i Tveit Regnskap.
I dette eksempelet er også med den siste endringa i kompensasjonen bøndene får av staten på grunn av ekstreme kraftprisar. Lundegård har sett litt på det som kan vente bønder i 2022.
Glad for straum-hjelp
