Berit Landgraff (88) på Furuheim sykehjem har dagleg kontakt med Bella (12).
Foto: Eli Strand NPK
Populært med dyr på alders- og sjukeheimar
Mange eldre saknar kjæledyra sine når dei flyttar på aldersheim. Derfor er det stadig fleire institusjonar som no vil leggje til rette for at dei eldre skal ha kontakt med dyr. Kattar og hundar har gjort sitt inntog på norske sjukeheimar dei siste ti åra, men ikkje alle er like begeistra for det.
Forsking viser at medisinbruken går ned når menneske har dagleg kontakt med dyr. I tillegg blir hormonet oksytocin, som også er kjent som kjærleikshormonet», frigjort ved nærleik og berøring. Dette gjer at stadig fleire vil at kontakt med dyr skal bli ein naturleg del av eldreomsorga.
Vil leggje til rette for dyr
Ein ringerunde rundt i landet viser at fleire vil opne for at dei eldre skal ha kontakt med dyr. Assisterande avdelingsleiar på Ål Bu- og Behandlingssenter, Iselin Tolpinrud fortel at dei ikkje har formaliserte aktivitetar med dyr, men seier at dei tilsette tek med seg både kattar og hundar på sjukeheimen.
