På sykkel gjennom alle landets kommunar

For snart 50 år sidan sette ein ung student i India seg på sykkelen og trødde av garde i retning Europa. Etter eitt år og ti månader parkerte han sykkelen i Noreg. Då hadde Rajendra Shukla lagt bak seg 33.000 kilometer og fått utallige lykkeønskingar frå statsministrar og vanlege folk med på vegen. Etter eit langt arbeidsliv som lege og kirurg i Noreg ønskte han å ta turen tilbake til India på sykkel i fjor vår, denne gong med kona Aruna som reisefølgje. Men då koronapandemien slo til for fullt måtte India-turen setjast på vent. I staden blei det sykkeltur i Noreg, der målet er å svinga innom alle landets kommunar.

Alle 356

— Det starta med ein sykkeltur frå Bergen til Kristiansund i mai og sidan har me sykla innom 252 kommunar til nå. I slutten av august skal alle landets 356 kommunar vera ferdig og me har tenkt å avslutta turen på Svalbard, seier den pensjonerte kirurgen som kombinerer sykkelturen med vikaroppdrag på ulike legekontor rundt om i landet.