Over 13 millionar i kundeutbytte til Etne

Kundeutbytte er ei ordning fleire sparebankar nyttar, og storleiken på utbetalingane blir avgjort årleg. I år får nær 4000 kundar i Etne del i kundeutbyttet frå Sparebanken Norge. 

Totalt skal det betalast ut 13,1 millionar kroner lokalt. Det melder banken i ei pressemelding.

— Overskotet til Sparebanken Norge skal koma kundane og bygda til gode, seier banksjef i Sparebanken Norge, Magnhild Gravelsæter Våge.