Over 100 svar om kraftleidning

Dette opplyser førstekonsulent Ingrid Maria Bik i energi- og konsesjonsavdelinga til Noregs vassdrags- og energidirektorat (NVE).

Ho fortel at dei ikkje har informasjon om kvar dei som sender innspel bur, med mindre dei opplyser om det sjølve, og kan derfor ikkje seia kor mange av innspela som kjem frå Etne og Vindafjord.

Statnett har sendt melding til NVE om at dei vil byggja to nye 420 kV-kraftleidningar mellom Sauda og Gismarvik. På vegen kjem dei også innom Etne og Vindafjord. Desse leidningane skal erstatta dagens 300 kV-leidningar, som er gamle og har for låg kapasitet. Det eksisterande nettet blei bygd av Hydro på 1960-talet.

I mars arrangerte NVE og Statnett eit godt besøkt informasjonsmøte om planane på Sjøperlo i Ølen. Mange av dei frammøtte tok til orde for at det burde greiast ut eit alternativ med sjøkabel. Det gjorde også både Etne og Vindafjord kommune i sine høyringsinnspel.