Ordføraren om AF-planane i Vats: — For oss er alt om skjer innan næringsutvikling interessant

AF Miljøbase Vats har i dag verksemd på 300 mål på Raunes, kor mellom anna utrangerte boreplattformar og skip blir demonterte. I ei pressemelding onsdag informerte konsernet om at dei legg planar for havvind-industri, og går allereie no i gang med arbeidet med ein reguleringsplan som vil kreve konsekvensutgreiingar, høyringsrundar og politisk handsaming.

Begge delar

Prosjektdirektør Ricky Ryttmar fortel til Grannar at samanstilling av fundament og produksjon av vindturbinar er tenkt å gjerast parallellt med dagens verksemd.